मुंबई-

गेल्या काही दिवसांपासून प्रसिद्ध लेखक-दिग्दर्शक दिग्पाल लांजेकर हे सातत्याने चर्चेत आहे. त्यांच्या ‘फर्जंद’, ‘फत्तेशिकस्त’, ‘पावनखिंड’ या ऐतिहासिक चित्रपटानंतर आता लवकरच ‘शेर शिवराज’ हा चित्रपट प्रेक्षकांच्या भेटीला येत आहे. हा चित्रपट शिवाजीला पकडण्यासाठी विजापूर सल्तनतने पाठवलेल्या सेनापती अफझलखानाच्या शिवाजीच्या प्रसिद्ध वधाची शौर्यकथा सांगेल.छत्रपती शिवाजी महाराज यांनी अफजलखानाचा वध कसा केला हे ‘शेर शिवराज’ या चित्रपटात पाहायला मिळणार आहे.शिवाजीने अफझलखानाला आपल्या मुठीतील वाघनखे काढून त्याच्या पोटात घुसवून त्याच्या आतड्याचं बाहेर काढल्या आणि त्याला ठार केले हे आपण इतिहासाच्या पाठ्यपुस्तकांचा बराच वेळा वाचत आलो आहोत. पण आता हे सर्व आता प्रेक्षक मोठ्या पडद्यावर पाहू शकतील.

दरम्यान अफजलखानाची भूमिका या चित्रपटात कोण साकरणार याकडे सर्वांचे लक्ष लागले होते. या चित्रपटात अफजलखानाचा पहिला लूक नुकताच समोर आला आहे.

छत्रपती शिवाजी महाराजांची शौर्यगाथा सांगणारे एकूण ८ चित्रपट अर्थात ‘श्री शिवराज अष्टक’ घेऊन दिग्पाल लांजेकर आणि चिन्मय मांडलेकर प्रेक्षकांच्या भेटीला येत आहेत. येत्या २२ एप्रिल २०२२ रोजी याच अष्टकामधील चौथा चित्रपट शेर शिवराज हा चित्रपट प्रदर्शित होत आहे. अभिनेता चिन्मय मांडेलकरने नुकतेच या चित्रपटाचे नवे पोस्टर शेअर केले आहे. या पोस्टरद्वारे अफजलखानाचा पहिला लूक समोर आला आहे.

‘श्री शिवराज अष्टक’ मधील इतर चित्रपटाप्रमाणे यामध्ये छत्रपती शिवाजी महाराजांची भूमिका चिन्मय मांडलेकर साकारत आहे. तर नजरेत विखार असणाऱ्या अफजलखानाची भूमिका कोण साकारणार याची उत्सुकता सर्वांनाच लागून राहिली होती. मराठीसह हिंदी सिनेसृष्टीतील विविध खलनायकांची नाव यासाठी चर्चेत होती. पण अफजल खानाची भूमिका यातील नेमके कोण साकारणार असा प्रश्न अनेकांना पडला होता. त्याचे उत्तर अखेर समोर आले आहे.

चिन्मय मांडलेकरने शेअर केलेल्या या नव्या पोस्टरमध्ये स्वत: चिन्मय मांडलेकर हा छत्रपती शिवाजी महाराज यांची भूमिका साकारताना दिसत आहे. त्यासोबतच जिजाऊंची भूमिका साकारणाऱ्या मृणाल कुलकर्णी दिसत आहेत. तसेच या नव्या पोस्टरमध्ये अफजल खानाची झलक पाहायला मिळत आहे. हा अभिनेता दुसरा तिसरा कुणी नसून बॉलिवूड अभिनेता मुकेश ऋषी आहे. आतापर्यंत बॉलिवूडमधील अनेक चित्रपटात त्याने खलनायकांच्या भूमिका साकारल्या आहेत.

विशेष म्हणजे या चित्रपटातील ‘साक्षात शिव – शंभूचा अवतार, मावळ देशीचा शिवमल्हार..शिवबा आमचा तारणहार या गाण्याला मोठ्या प्रमाणात प्रतिसाद मिळत आहे. चिन्मयने हे पोस्टर शेअर करताना अहोरात्र अन्याय-अत्याचार सहन करत उभा असलेला सह्याद्रीचा स्तंभ कडकडला.दाही दिशा थरथरल्या, काळ पुरुषाच्याही कानठळ्या बसल्या आणि प्रचंड गर्जना करत प्रकटला सहस्त्र हातांचा अजस्त्र नरसिंह ‘शेर शिवराज’ २२ एप्रिल २०२२, असे कॅप्शन दिले आहे. दरम्यान चिन्मयची ही पोस्ट सध्या चांगलीच चर्चेत आहे.