राज्यात नवीन २३ संवर्धन राखीव, ५ अभयारण्यांची निर्मिती
मुंबई –
राज्यात मागील अडीच वर्षात १७५०.६३ चौ.कि.मी चे २३ नवीन संवर्धन राखीव, ६४७.१२९४ चौ.कि.मी ची ५ नवीन अभयारण्ये आणि ८५.८९ हेक्टरच्या ४ जैवविविधता वारसा स्थळांची निर्मिती ही हरित महाराष्ट्राची ध्येयवादी वाटचाल दर्शवित असून, या माध्यमातून राज्याच्या संरक्षित वनाचे क्षेत्र वाढतांना वन्यजीवांचा भ्रमणमार्ग ही सुरक्षित होतांना दिसत आहे. शासनाने नेहमीच पर्यावरणस्नेही विकासाला प्राधान्य दिले असून शाश्वत विकासाचा तो महत्वाचा आधार असल्याचा पुनरुच्चार मुख्यमंत्री उद्धव ठाकरे यांनी केला आहे. नव्याने निर्माण करण्यात आलेल्या २३ संवर्धन राखीव क्षेत्रांपैकी ९ संवर्धन राखीव क्षेत्रं अधिसूचित झाले असून उर्वरित संवर्धन राखीव क्षेत्रांची अधिसुचना निर्गमित करण्याची कार्यवाही सुरु आहे.
राज्यातील ‘ही’ आहेत संवर्धन राखीव क्षेत्रं (कंसातील आकडे चौ.कि.मी) :
शासनाने चंद्रपूर जिल्ह्यातील कन्हारगाव (२६९.४० चौ.कि.मी), विस्तारीत अंधारी वन्यजीव अभयारण्य ( ७८.४०), जळगाव जिल्ह्यातील मुक्ताई भवानी (१२२.७४०), गडचिरोली जिल्ह्यातील कोलामार्का ( १७५.७२), बुलडाणा जिल्ह्यातील विस्तारीत लोणार वन्यजीव अभयारण्य ( .८६९४) अशी पाच अभयारण्ये याच कालावधीत घोषित केली आहेत. यातील कन्हारगाव अभयारण्याची अधिसुचना निघाली असून उर्वरित अभयारण्याची अधिसूचना निर्गमित करण्याची कार्यवाही सुरु आहे.
पुणे जिल्ह्यातील गणेशखिंड (३३.०१), धुळे जिल्ह्यातील लांडोरखोरी (४८.०८), कोल्हापूर जिल्ह्यातील बांबर्डे मायरेस्टिका (२.५९) आणि शिुस्टुरा हिरण्यकेशी ही चार जैवविविधता वारसा स्थळे मागील अडीच वर्षाच्या काळात घोषित करण्यात आली असून या सर्वांची अधिसुचना निर्गमित झाली आहे.
लोणारला रामसर साईट दर्जा मिळाला असून ठाणे खाडी फ्लेमिंगो अभयारण्याच्या रामसर दर्जाचा प्रस्ताव केंद्र शासनाकडे पाठविण्यात आला आहे.
मुंबई –
राज्यात कोकणात मान्सूनला सुरूवात झाली असली तरी तो राज्यातील इतर भागात पोहोचण्यासाठी विलंब लागत आहे. दरम्यान, कालपासून नंदूरबार, जळगाव, परभणी या परिसरात मान्सूनच्या पावसाला सुरूवात झाली आहे. मान्सूनच्या वाटचालीस पोषक हवामान असल्याचे आयएमडीकडून सांगण्यात आले आहे. परंतु कोकणानंतर कोल्हापूर, सांगली, सातारा, पुणे जिल्ह्यात मान्सूनला सुरूवात होते. यंदा मात्र मान्सूनचा पाऊस या भागात झाला नसल्याने चिंता व्यक्त केली जात आहे. यामुळे शेतकरी खरिपाची पेरणी करण्यासाठी थांबला आहे. तर हवामान खात्याच्या माहितीनुसार 75 मिमी पाऊस झाल्याशिवाय पेरणी करू नये असे आवाहन करण्यात आले आहे.
10 जूनला कोकणात पोहोचलेला मॉन्सून 11 जून रोजी बहुतांशी कोकण, मध्य महाराष्ट्राचा दक्षिण भागात डेरेदाखल झाला. तर सोमवारी मॉन्सूनने संपूर्ण कोकणसह, मध्य महाराष्ट्र, मराठवाड्याच्या बहुतांश भागापर्यंत टप्पा गाठला.
निम्म्या महाराष्ट्रासह दक्षिण गुजरात, कर्नाटकचा बहुतांश भाग तेलंगाणा, रायलसीमाचा काही भाग आणि तमिळनाडूच्या आणखी काही भागातही मॉन्सूनने चाल केल्याचे हवामान विभागाने स्पष्ट केले. शुक्रवारपर्यंत (ता. 17) गुजरातच्या आणखी काही भाग, संपूर्ण मध्य महाराष्ट्र, मराठवाडा, कर्नाटक तामिळनाडूसह विदर्भाच्या काही भागात मॉन्सून दाखल होण्याची शक्यता आहे. आंध्र प्रदेश, तेलंगणा, पश्चिम बंगालच्या आणखी काही भागासह झारखंड, ओडिशा, बिहार काही भागातही मॉन्सून प्रगती करण्याचे संकेतही हवामान विभागाने दिले आहेत.
मुंबई –
शरीराचे एकूण आरोग्य राखण्यासाठी तोंडाच्या स्वच्छतेकडे लक्ष देणे आवश्यक मानले जाते. तोंडी स्वच्छता म्हणजे तोंड, दात, हिरड्या आणि जीभ तसेच शरीराच्या इतर अवयवांची स्वच्छता राखणे आवश्यक मानले जाते. तुम्हाला हे जाणून आश्चर्य वाटेल, परंतु अभ्यास देखील पुष्टी करतात की तोंडाची स्वच्छता, विशेषत: दात स्वच्छ करण्याची सवय, हृदय आणि मानसिक रोगांच्या जोखमीपासून सुरक्षित ठेवण्यात विशेष भूमिका बजावू शकते. संशोधन असे सूचित करते की जे लोक नियमितपणे ब्रश करत नाहीत त्यांना दात किडणे आणि हिरड्यांच्या समस्या तसेच हृदयरोग आणि स्मृतिभ्रंश यांसारख्या मानसिक आजारांचा धोका वाढू शकतो.
आरोग्य तज्ञांच्या मते, तोंडाचा भाग अनेक प्रकारच्या जीवाणूंना प्रोत्साहन देण्यासाठी सर्वात अनुकूल आहे. त्यामुळेच तोंडाच्या स्वच्छतेची नियमित काळजी घेणे गरजेचे बनले आहे. आदर्श ओरल स्वच्छतेसाठी, आरोग्य तज्ञ सकाळी आणि संध्याकाळी दात घासण्याची आणि काही खाल्ल्यानंतर लगेच तोंड स्वच्छ धुण्याची शिफारस करतात. तोंडाच्या अस्वच्छतेमुळे हृदय आणि मानसिक रोग कसे होऊ शकतात याबद्दल अधिक तपशीलवार जाणून घेऊया.
दात आणि तोंडाची नियमित स्वच्छता का महत्त्वाची आहे?
तोंडात सतत लाळेचे उत्पादन होते, ज्यामुळे अनेक प्रकारच्या जीवाणूंच्या संवर्धनासाठी अनुकूल वातावरण निर्माण होते. योग्य मौखिक स्वच्छतेच्या अभावी जीवाणूंचा वेगाने गुणाकार होण्याचा आणि अनेक प्रकारचे तोंडी संसर्ग होण्याचा धोका असू शकतो. अन्न खाल्ल्यानंतर काही अन्नाचे कण दात आणि हिरड्यांमध्ये अडकतात, जर ते व्यवस्थित स्वच्छ केले नाहीत तर दात किडणे आणि हिरड्यांचे आजार होण्याचा धोका वाढतो. गंभीर प्रकरणांमध्ये, दात काढणे देखील आवश्यक असू शकते. यामुळेच सर्व लोकांनी नियमितपणे तोंडाची स्वच्छता करणे आवश्यक आहे. चला जाणून घेऊया त्यामुळे कोणत्या प्रकारचे गंभीर आजार होऊ शकतात.
दंत स्वच्छता आणि स्मृतिभ्रंश होण्याचा धोका
अनेक संशोधने असे दर्शवतात की जे लोक आपले दात व्यवस्थित स्वच्छ करत नाहीत त्यांना दात किडणे आणि हिरड्यांच्या समस्या तसेच मानसिक विकारांचा धोका असू शकतो. संशोधकांना असे आढळले आहे की डिमेंशिया असलेल्या लोकांमध्ये दात किडण्याची समस्या सामान्य आहे. संबंधित न्यूरोलॉजी आणि न्यूरोसायन्स रिपोर्ट्समध्ये प्रकाशित केलेल्या अभ्यासानुसार, दात किडण्याच्या स्थितीमुळे काही लोकांमध्ये स्मृतिभ्रंश होण्याचा धोका वाढू शकतो. संशोधकांच्या म्हणण्यानुसार, दंत समस्या जसे की पीरियडॉन्टायटिस रोग आणि मेंदूतील जळजळ यांच्यात संभाव्य दुवा सापडला आहे ज्यामुळे स्मृतिभ्रंशाचा धोका होऊ शकतो.
दंत समस्या आणि हृदयरोग
दुसऱ्या एका अभ्यासात संशोधकांना असे आढळून आले की तोंडाच्या स्वच्छतेवर, विशेषतः दातांच्या स्वच्छतेवर लक्ष केंद्रित करण्याच्या सवयीमुळे हृदयविकाराचा धोका वाढू शकतो. युरोपियन जर्नल ऑफ प्रिव्हेंटिव्ह कार्डिओलॉजीमध्ये प्रकाशित झालेल्या संबंधित अभ्यासात, शास्त्रज्ञांना असे आढळून आले की जे लोक दिवसातून किमान तीन वेळा दात घासतात त्यांना ऍट्रिअल फायब्रिलेशन आणि हार्ट अटॅक यासारख्या गंभीर आणि जीवघेणा समस्या होण्याचा धोका कमी असतो. अभ्यासात असेही आढळून आले की ज्या लोकांनी जास्त दात काढले आहेत त्यांना ऍट्रिअल फायब्रिलेशन आणि इतर हृदयविकाराचा धोका जास्त असतो.
तज्ञ काय म्हणतात?
संशोधकांचे म्हणणे आहे की दात आणि तोंडाच्या नियमित स्वच्छतेची काळजी घेणे खूप महत्वाचे आहे. त्याचा परिणाम तुमच्या आरोग्यावर होऊ शकतो. तुम्ही एखाद्या वेळी दात घासायला विसरलात तर घाबरू नका. परंतु लक्षात ठेवा की तुम्ही दिवसातून किमान दोनदा ब्रश केले पाहिजे. बाजारात अनेक प्रकारचे माउथवॉश उपलब्ध आहेत. मात्र त्यांचा जास्त वापर केल्याने दातांनाही नुकसान होऊ शकते. कोमट पाण्यात मीठ टाकून चुळ भरणे फायदेशीर मानले जाते.
“काय तर म्हणे आपली संस्कृति जगांत महान आहे. बिनबुडाचा असला नेहमी दावा केला जातो. हिंदू संस्कृती महान संस्कृती कशी काय असू शकते. भारतात महाराष्ट्राला सर्वात पुरोगामी मानले जाते पण हे सपशेल खोटे आहे. पहा एका अहवालानुसार भारतात ११५० वृद्धाश्रमे आहेत व या वृद्धाश्रमांत ९७ हजार वृद्ध लोक राहतात. महाराष्ट्रात २४ वृद्धाश्रम मातोश्री वृद्धाश्रम योजने अंतर्गंत विना अनुदान तत्वावर चालवले जातात. स्वत:ला सुसंस्कृत समजले जाणा-या पुण्यात सर्वात जास्त म्हणजे ६५ वृद्धाश्रमे आहेत. महाराष्ट्राची लोकसंख्या १२ कोटी आहे. पैकी १ कोटी वृद्ध लोक आहेत. हिंदूंना लाज वाटली पाहिजे की समाजाला वृद्धाश्रमांची का गरज पडली. आई वडिलांना न संभाळण्याची कुवृत्ती समाजात वाढलेली दिसून येते.
या ठिकाणी मुद्दाम नमूद करावे वाटते की, भारतातील सर्वच्या सर्व म्हणजे ११५० वृद्धाश्रमांत एकही मुस्लिम वृद्धाश्रम नाही. अहवालानुसार मुस्लिम समाज आईवडिलांना उत्तम सांभाळतात व त्यांची देखभाल चांगली करतात. कुराणमध्ये अल्लाह नंतर आईवडिलांच्या चरणी जन्नत आहे असं ते समजतात. त्यामुळे मुस्लिम समाजाचा एकही अगदी नावांलाही वृद्धाश्रम नाही. आणि तशी गरजही नाही पडली.
मात्र हिंदू समाजाचे सर्वत्र जिकडे तिकडे अनाथाश्रम व वृद्धाश्रम दिसून येतात. तसेच सरकारलाही वृद्धाश्रम काढण्याची आवशकता भासणे ही अत्यंत लाजीरवाणी व शरमेची बाब आहे. वृद्धाश्रम व अनाथाश्रम हा हिंदू संस्कृतीवरचा कलंक आहे. आपले आई वडील मुलांना जड व्हावेत इतकी नीच वृत्ती समाजात वाढली आहे. पुणे या बाबतीत तर नंबर एक वर आहे. सर्वात जास्त वृद्धाश्रम पुण्यांत आहेत. मा. पंतप्रधान मोदीजींनी १०० जिल्ह्यांत वृद्धाश्रम उघडण्याची घोषणा केली आहे. किती शरमेची ही बाब आहे.. हा विकास असतो का?
वैद्यकिय शास्त्रांतील प्रचंड प्रगतीमुळे नवसंशोधनात्मक उपचारांने वयोमानांत वाढ झाली आहे. पण माणसांतील ओलावा मात्र पार आटला आहे. लोकांच्या घरातील कुत्रे गलेलठ्ठ झाले आहेत आणि मातापिता आठ आठ दिवस उपाशी आहेत. या गाबडयांना यासाठीच का जन्माला घातले होते का त्यांनी?
शांतपणे विचार करा एवढ्या देशांत एकही वृद्धाश्रम मुस्लिमांचा नाही यावरुन काय बोध घ्याल बोला?
कशाला जन्माला घालायची असली अवलाद ? त्यापेक्षा बिन औलादीचे रहा काय हरकत आहे?
सामाजिक जबाबदाऱ्या शिकवल्याच जात नाहीत, आणि एक मुलगा एक मुलगी पॅटर्न आल्याने काय झाले? एकुलता एक म्हणून दिवट्याचे फारच लाड होत आहे, तोच घातक ठरत आहे. आई-वडील एकच दिवटा आहे म्हणून मुलांच्या अनेक चुका नजर अंदाज करत असल्याने ते गाबडं उदंड आणि उनाड होत चालले आहे. जरा आवरा लाडल्याला नसता हा लाडला तुम्हांलाच लावील धक्क्याला. संस्कार द्या तरच वृद्धाश्रम कमी होतील नसता भयानक वास्तव आ वासून येत आहे. लक्षांत ठेवा.
जय शिवराय.”
मुंबई –
भाजपच्या माजी प्रवक्त्या नुपूर शर्मा यांनी प्रेषित पैगंबर मोहम्मद यांच्याविषयी केलेल्या वादग्रस्त वक्तव्यामुळे जगभरात संतापाची लाट उसळली आहे. या वक्तव्याप्रकरणी भारत सरकारने जगभरातील मुस्लिम समाजाची माफी मागावी या मागणीसाठी हॅकर्सनी ठाणे पोलिसांची वेबसाईट हॅक केली आहे. दरम्यान अल-कायदा या दहशतवादी संघटनेनंही भारतातील वेगवेगळ्या शहरांवर हल्ला करण्याची धमकी दिली आहे.
आता देशातील वेगवेगळ्या सरकारी आणि खासगी वेबसाईट्सवर याच मुद्द्यावरुन सायबर हल्ले होताना दिसतायत. याचा सर्वात मोठा फटका महाराष्ट्राला बसला असून राज्यातील 50 वेबसाईट्स हॅक झाल्यात. या हॅकर्सने जगभरातील मुस्लीम हॅकर्सला भारतीय वेबसाईटवर सायबर हल्ले करण्यासाठी आवाहनही केलं आहे. याच पार्श्वभूमीवर आज राज्याचे गृहमंत्री दिलीप वळसे पाटील यांनी काहींचा समाजात तेढ पसरवण्याचा प्रयत्न सुरु असून या प्रकरणातील कारवाईबाबत पंतप्रधानांनी निर्णय घ्यावा अशी मागणी केली आहे. आज ते पत्रकार परिषदेत बोलत होते.
गृहमंत्री वळसे पाटील म्हणाले की, “अनेक वेबसाईट हॅक करण्यात आल्या ही वस्तुस्थिती आहे. एडीजी मधुकर पांडे पुढील तपास करत आहे. ठाणे पोलीस कमिशनची वेबसाईट हॅक झाली आहे, परंतु कोणताही महत्त्वाची माहिती लीक झालेली नाही. कोणत्याही कारणावरून समाज- समाजात एक प्रकारे तेढ निर्माण करण्याचे जे काम सुरु आहे त्याचे हे परिणाम आहेत. हॅकर्सनी जगभरातील सर्व हॅकर्सना विनंती केली आहे की, तुम्हीही यात सहभागी व्हा. राज्य सरकारच्या वतीने या सर्व गोष्टींचा आढावा घेण्यात आला आहे. त्यावर काय उपाय योजना करायच्या आहेत त्यासंदर्भातही यंत्रणा कार्यरत आहेत. तथापी सर्व माहिती अद्याप प्राप्त झाली नसल्याने त्यामध्ये अधिक माहिती देण्यासाठी माझ्याकडे आता नाही.”
“हॅकर्सची जी मागणी आहे की, देशाचे पंतप्रधान नरेंद्र मोदींनी या संदर्भात माफी मागितली पाहिजे. ज्या पक्षाच्या प्रवक्त्यांनी जे प्रेषित पैगंबर मोहम्मदांबद्दल उद्गार काढले त्याबद्दल अनेक ठिकाणी गुन्हे दाखल झाले आहेत कारवाई सुरु आहे. त्याबाबत काय निर्णय घ्यायचा याबाबत पंतप्रधानांनी स्वत: ठरवले पाहिजे,” अशी मागणीही गृहमंत्र्यांनी केली आहे.
“ही घटना दुर्दैवी आहे. कारण आपल्या देशात समाजा-समाजात द्वेष पसरवण्याचे काम केले जात आहे, त्याला प्रतिकार म्हणून प्रतिहल्ला म्हणून अशाप्रकारची कृती समाजातल्या टोकाच्या विचार करणाऱ्या लोकांकडून होत आहे. ही बाब बरोबर नाही कारण शेवटी सगळ्यांना सलोख्याने राहायचे असेल तर अडचणी भावना समजून घेणे गरजेचे आहे. हॅकर्सकडून जे अपील केले जात आहे ज्यामुळे नुकसान सर्वांचे होणार आहे. त्यामुळे अशा गोष्टींपासून सर्वांनी दूर रहावं” अशी विनंती गृहमंत्र्यांनी केली आहे.
नवी दिल्ली –
प्रेषित मोहम्मद यांच्यावर कथित वक्तव्य केल्याप्रकरणी नुपूर शर्मा यांचा निषेध दिवसेंदिवस वाढत आहे. या प्रकरणाच्या पार्श्वभूमीवर शुक्रवारी (10 जून) देशभरात अनेक ठिकाणी हिंसक निदर्शने झाली. त्याच वेळी, शनिवारी म्हणजेच 11 जून रोजी आंदोलन सुरूच आहे. तथापि, पैगंबर मोहम्मद इत्यादींवरील विधानावरून वादांची मालिका सुरू होण्याची ही पहिलीच वेळ नाही. याआधी प्रेषित मोहम्मद यांच्यामुळे अनेक चित्रपटही चर्चेत आले होते आणि त्यांच्यावर बंदी घालण्याची मागणी करण्यात आली होती. पैगंबर मोहम्मद यांच्यावर बनलेले चित्रपट आणि त्यांच्याशी संबंधित वादांबद्दल जाणून घेऊया…
‘द लेडी ऑफ हेवन’
नुकतीच प्रदर्शित झालेली यूकेची सर्वात मोठी मुव्ही ‘द लेडी ऑफ हेवन’ सतत वादात राहिली. चित्रपटाच्या विरोधामुळे अनेक ठिकाणी या चित्रपटावर बंदी घालण्यात आली आहे. या चित्रपटाला विरोध करणाऱ्यांचा असा विश्वास आहे की या चित्रपटात सुरुवातीच्या इस्लामिक इतिहासाचे चुकीचे चित्रण करण्यात आले आहे. तसेच या चित्रपटात पैगंबर मोहम्मद यांचा अनेक प्रकारे अपमान केल्याचा दावा केला जात आहे. हा चित्रपट सातव्या शतकातील पैगंबर मोहम्मद यांची मुलगी फातिमा हिच्या जीवनावर आधारित आहे.
‘मोहम्मद: मेसेंजर ऑफ गॉड’
प्रेषित मुहम्मद यांच्या जीवनावर आधारित असलेल्या ‘मोहम्मद: मेसेंजर ऑफ गॉड’ या विषयावरही जगभरात बरेच वाद झाले आहेत. 2015 मध्ये आलेल्या या चित्रपटाला बॉलिवूडचे प्रसिद्ध गायक आणि संगीतकार ए आर रहमान यांचे संगीत होते. मात्र, या चित्रपटाच्या वादामुळे रहमानच्या विरोधात फतवाही काढण्यात आला होता. खरंतर या चित्रपटात पैगंबरांच्या बालपणीची गोष्ट आहे, पण त्यात अभिनेत्याचा चेहरा न दाखवता फक्त सावली दाखवण्यात आली आहे. यामुळे इस्लामिक संघटना नाराज झाल्या. ते म्हणाले की, शरिया प्रेषितांना वास्तव म्हणून दाखवण्याची कल्पना करण्यास मनाई करते. इस्लाम याला परवानगी देत नाही. त्याचवेळी पैगंबरांची भूमिका करणाऱ्या अभिनेत्याने अन्य कोणत्यातरी चित्रपटातही नकारात्मक भूमिका केल्याचा संतापही संघटनांनी व्यक्त केला होता. अशा परिस्थितीत या अभिनेत्याने पैगंबराची भूमिका साकारणे हा त्यांचा अपमान आहे, या भावनेतून या चित्रपटाला विरोध झाला.
‘इनोसन्स ऑफ मुस्लिम्स’
‘इनोसन्स ऑफ मुस्लिम्स’ हा पैगंबर मोहम्मद यांच्यावर बनवण्यात आलेला आणखी एक चित्रपट आहे, जो रिलीज करतानाच अनेक वादात सापडला. 2012 साली आलेल्या या चित्रपटाला जगभरातून विरोध झाला होता. वास्तविक, या चित्रपटात पैगंबरांची प्रतिमा चुकीच्या पद्धतीने मांडण्यात आल्याचे आंदोलकांचे म्हणणे आहे.
मुंबई –
राज्यात पुन्हा एकदा मास्क सक्ती करण्यात आली आहे. सार्वजनिक ठिकाणी मास्क वापरणं बंधनकारक असेल. वाढती कोरोना रुग्ण संख्या पाहता राज्य सरकारने हा निर्णय घेतलाय. रेल्वे, बस, सिनेमागृह, सभागृह या ठिकाणी मास्क सक्ती करण्यात आली आहे. रुग्णालये, कॉलेज, शाळा या ठिकाणीही मास्क सक्ती असेल.
कुठे-कुठे मास्क बंधनकारक ?
1 सार्वजनिक वाहतुकीची ठिकाणं, 2 शाळा, 3. कॉलेज, 4. बंदीस्त सभागृह, 5. गर्दीची ठिकाणं, 6. रेल्वे, 7. बस, 8. सिनेमागृहे, 9. रुग्णालये, 10. हॉटेल.
मागच्या काही दिवसात राज्यातील कोरोना रुग्णांची संख्या वाढत आहे. त्यामुळे राज्यातील कोरोनास्थिती पाहता खबरदारीचा उपाय म्हणून राज्य सरकारने हा निर्णय घेतलाय. कोरोना रुग्णांची संख्या जास्त वाढू नये, म्हणून सरकारने हा निर्णय घेतला आहे. नागरिकांनी या नियमांचं पालन करत सहकार्य करण्याचं आवाहन सरकारच्या वतीने करण्यात आलं आहे.
मुंबई –
आठवड्याच्या तिसऱ्या व्यवहाराच्या दिवशी मौल्यवान धातूंच्या किमतीत वाढ झाली आहे. जर तुम्ही आज दागिने खरेदी करण्याचा विचार करत असाल तर घरातून बाहेर पडण्यापूर्वी तुमच्या शहरात सोन्या-चांदीच्या किमती किती कमी झाल्या आहेत हे जाणून घेणे फायदेशीर ठरेल. शुक्रवारी MCX वर सोन्याच्या किमतीत 0.08 टक्क्यांनी वाढ झाली आणि त्याची किंमत 51,311 रुपये प्रति दहा ग्रॅम झाली.
चांदीची चमकही महागली
सोन्याच्या दरात वाढ झाल्याने चांदीच्या दरातही 0.58 टक्क्यांनी वाढ झाली आहे. यानंतर चांदीचा भाव 62,698 रुपये प्रति किलोवर पोहोचला आहे. आपण येथे सूचित करूया की दागिने बनवण्यासाठी बहुतेक फक्त 22 कॅरेटचा वापर केला जातो. काही लोक 18 कॅरेट सोने देखील वापरतात. दागिन्यांवर कॅरेटनुसार हॉल मार्क बनवले जाते. 24 कॅरेट सोन्यावर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 लिहिले आहे.
अशा प्रकारे आपल्या शहरातील दर जाणून घ्या
उत्पादन शुल्क, राज्य कर आणि मेकिंग चार्जेसमुळे सोन्याच्या दागिन्यांची किंमत देशभर बदलते. तुम्ही तुमच्या शहरातील सोन्याची किंमत मोबाईलवर देखील पाहू शकता. इंडियन बुलियन अँड ज्वेलर्स असोसिएशनच्या मते, तुम्ही 8955664433 या क्रमांकावर मिस्ड कॉल देऊन किंमत तपासू शकता. तुम्ही ज्या नंबरवरून मेसेज कराल त्याच नंबरवर तुमचा मेसेज येईल. अशा प्रकारे तुम्हाला घरबसल्या सोन्याचा नवीनतम दर कळेल.
मुंबई –
शिवसेना नेत्या दिपाली सय्यद यांनी भाजप महिला मोर्चाच्या प्रदेशाध्यक्षा उमा खापरेंविरोधात मुंबईच्या ओशिवारा पोलीस ठाण्यात तक्रार दाखल केली आहे. ‘दिपाली सय्यद यांना घरात घुसून बदडून काढू’ असा इशारा उमा खापरे यांनी दिला होता. दिपाली सय्यद यांनी भाजप नेत्यांवर केलेल्या हल्लाबोलनंतर भाजपकडून आक्रमक पवित्रा घेण्यात आला आहे. भाजप महिला कार्यकर्ता दिपाली सय्यद यांच्यावर आरोप करताना दिसत आहेत. मात्र उमा खापरेंविरोधात दिपाली सय्यद यांनी तक्रार दाखल केली आहे.
शिवसेना नेत्या दिपाली सय्यद यांनी ओशिवारा पोलीस ठाण्यात उमा खापरेंविरोधात तक्रार दाखल केली. यावेळी त्यांनी माध्यमांशी संवाद साधला आहे. महाराष्ट्रात कायदा सुव्यवस्था आहे. त्या पद्धतीने मी चालली आहे. तक्रार केली असून त्याचा परिणाम येत्या काळात दिसेल असे दिपाली सय्यद म्हणाल्या आहेत.
दिपाली सय्यद म्हणाल्या की, भाजपचे लोकं सोशल मीडियावर अश्लील पद्दतीने ट्रोलिंग करतात, खालच्या थराला जाऊन बोलतात. त्यांच्याकडूनच ही सुरुवात होत आहे. महाराष्ट्रातील जनता सगळं पाहत आहे. मारण्याची धमकी देणाऱ्याच्या पाठीशी भाजपचे लोकं उभे राहतात. राणांच्या बाजूला उभे राहिले. आता माझ्याविरोधात बोलणाऱ्यांना तुम्ही पाठिंबा देत आहेत. किरीट सोमय्यांनासुद्धा पाठिशी घालता. सोमय्यांनी ज्या लोकांवर आरोप केले ते नेते भाजपमध्ये गेल्यावर पवित्र झाले आहेत. सोमय्या आता कुठे आहेत? असा सवालसुद्धा दिपाली सय्यद यांनी केला आहे.
दिपाली सय्यद यांनी ट्विट करुन भाजप नेते किरीट सोमय्या आणि पंतप्रधान नरेंद्र मोदी यांच्यावर टीका केली होती. भाजप नेते किरीट सोमय्यांनी आरोप केल्यानंतर नेते भाजपामध्ये जावून पवित्र होतात. त्यानंतर त्यांच्यावर कोणीही कारवाई करत नाही. या नेत्यांना पाठीशी घालणारा असा लुच्चा पंतप्रधान अख्ख्या भारताने पाहिला नसेल अशी टीका दिपाली सय्यद यांनी केली होती. यावर उमा खापरेंनी प्रतिक्रिया देताना दिपाली सय्यद यांनी कोणत्याही भाजप नेत्याबद्दल अपशब्द काढले तर त्यांना घरात घुसून बदडून काढू असा इशारा दिला आहे.
