राजगुरूनगर –
ख्वॉजा मोईनुद्दीन चिश्ती-अजमेर यांच्या उरुसानिमित्त राजगुरुनगर येथे नातख्वॉनी (सामूहिक प्रार्थना) कार्यक्रम आयोजित करण्यात आला. यावेळी गुणवंत विद्यार्थ्यांना शालेय साहित्याचे तर विजेत्या विद्याथ्यार्थ्यांना ‘सॅक’चे वाटप करण्यात आले तसेच त्यांचा सत्कारही करण्यात आला.
यावेळी मौलाना मंझूर आलम, मौलाना मुस्तकीम रझवी, मौलाना मंजर इरशाद, मौलाना रझा आलम यांनी उपस्थितांना मार्गदर्शन केले. कार्यक्रमाचे आयोजन इख्लास युवा मंच, अहले वल सुन्नत जमात राजगुरुनगर आणि इख्लास महिला बचत गट यांनी केले होते.
कार्यक्रमास ज्येष्ठ नागरिक दादामिया शेख, माजी नगराध्यक्ष शिवाजी मांदळे, नगरसेवक सुरेश कौदरे, रफीक मोमीन, समीर सातकर, लायन्स क्लबचे अध्यक्ष मिलिंद आहेर, सचिन सावंत, राहुल पिंगळे मोहसिन अत्तार, ट्रस्टी समीर मोमिन, नौशाद तंबोली, सलीम मोमिन, राजू मोमिन आदी उपस्थित होते.
यावेळी इम्रान मोमीन यांना वकील पदवी, तर हुजेफा मोमीन यांनी सीए परीक्षा उत्तीर्ण झाल्याबद्दल यांचाही सत्कार करण्यात आला. यावेळी कार्यक्रमास आलेल्या शालेय विद्यार्थ्यांना सॅकसह शैक्षणिक साहित्य भेट म्हणून देण्यात आले.
